Süni intellekt iş axtarışında getdikcə daha fəal şəkildə istifadə olunur: onun köməyi ilə işaxtaranlar CV-ləri redaktə edir, onları konkret vakansiyalara uyğunlaşdırır və ifadələri yaxşılaşdırırlar. Lakin rahatlıqla yanaşı, yeni risklər də yaranır – xüsusən də istifadəçi çat-bota məxfi məlumatları olan sənəd yüklədikdə. “Kaspersky” mütəxəssisləri iş axtararkən süni intellektdən təhlükəsiz istifadə etməyin və məxfi məlumatları fırıldaqçılardan qorumağın yollarından danışıblar.
Süni intellektə şəxsi məlumatlarınızı yükləməyin. CV-ni çat-bota göndərməzdən əvvəl telefon nömrəsini, ev ünvanını, şəxsi elektron poçt ünvanını, şəxsiyyət vəsiqələrinin surətlərini, konkret işəgötürən şirkətlərin adlarını və digər məxfi məlumatları silmək lazımdır. Həmçinin xidmətin məxfilik siyasəti ilə tanış olmaq, yüklənmiş məlumatları necə emal edib saxladığını və hansı şərtlərlə üçüncü tərəflərə ötürdüyünü öyrənmək vacibdir.
CV potensial hücum üçün əsasdır. Bir şəxsin peşəkar təcrübəsi, vəzifəsi, bacarıqları və maraqları haqqında məlumat cinayətkarlara daha inandırıcı məqsədli hücumlar hazırlamağa kömək edə bilər. Məsələn, fırıldaqçılar saxta müsahibə dəvəti göndərə bilər və ya namizədin təcrübəsinə maksimum dərəcədə uyğun gələn vakansiya təklif edə bilərlər. Onlar rekruter adı altında fayl yükləməyi, keçidə daxil olmağı, tətbiq quraşdırmağı və ya kənar mesencer-də ünsiyyəti davam etdirməyi xahiş edə bilərlər. Buna görə də, hətta ən uyğun iş təklifini də ona cavab verməzdən əvvəl yoxlamaq lazımdır.
“Süni intellekt artıq gündəlik tapşırıqları, o cümlədən iş axtarışını daha sürətli həll etməyə kömək edən faydalı alətə çevrilib. Onun köməyi ilə CV-ni yaxşılaşdırmaq və konkret vakansiyaya uyğunlaşdırmaq mümkündür. Lakin burada “etibar et, lakin yoxla” prinsipi işləyir. CV fərdiləşdirilmiş hücum üçün əsas olmaq üçün bir insan haqqında kifayət qədər məlumat ehtiva edir. Ona görə də süni intellekt xidmətlərinə hansı məlumatları ötürdüyümüzə diqqətlə yanaşmaq və süni intellektin təklif etdiyi məlumatları mütləq yoxlamaq vacibdir”, – deyə “Kaspersky”nin Azərbaycan üzrə nümayəndəsi Müşviq Məmmədov şərh edir.
İş axtararkən süni intellektdən təhlükəsiz istifadə etmək üçün “Kaspersky” mütəxəssisləri tövsiyə edirlər:
- ilk öncə CV-ni müstəqil şəkildə tərtib etmək, daha sonra ifadələrin və strukturun redaktəsi üçün süni intellektdən istifadə etmək;
- süni intellekt xidmətinə yükləməzdən əvvəl sənəddən şəxsi məlumatları: telefon nömrəsini, ev ünvanını, sənəd məlumatlarını silmək;
- xidmətin məxfilik tənzimləmələrini yoxlamaq və yüklənmiş fayllarla nə baş verdiyini öyrənmək;
- effektivliyi müstəqil testlərlə təsdiqlənən etibarlı qoruyucu həll – məsələn, Kaspersky Premium istifadə etmək.
