Kult franşizanın yeni hissəsinin musiqi kainatı rəsmi olaraq ekranların hüdudlarından kənara çıxdı: noyabrın 20-də oyun üçün xüsusi olaraq dünya ulduzları tərəfindən yazılmış orijinal kompozisiyaları birləşdirən “Grand Theft Auto VI: The Album” toplousunun relizi baş tutdu. Tam valın çıxışından əvvəl “Rockstar Games” studiyası bir neçə treki ayrı sinql formatında buraxmaqla tədricən auditoriyanın marağını qızışdırırdı.
Album üzərində iş kataloquna “Led Zeppelin”, Ed Şiran, “Twenty One Pilots” və “Coldplay” kimi nəhənglər daxil olan əfsanəvi “Atlantic Records” leyblı ilə sıx əməkdaşlıq şəraitində aparılıb. Yekun trek-listə ümumi müddəti 97 dəqiqə olan 34 kompozisiya daxil edilib. “Rockstar”da qeyd etdikləri kimi, qeydiyyata “adi janrların sərhədlərini silən parlaq dünya ifaçıları” — onların arasında Lana Del Rey, “Tame Impala”, Don Toliver, “Rolling Stones”un gitaraçısı Kit Riçards, “Fred again..” və Travis Skott cəlb olunublar. Topludakı bütün mahnılar müxtəlif oyunqədərki radio stansiyaların efirində səslənir, albomun özünü isə artıq “Spotify”, “Apple Music” və “YouTube Music”də dinləmək, eləcə də fiziki daşıyıcılarda — CD və vinildə əldə etmək olar.
Diqqətəlayiq haldır ki, oyunun özünün eklektik saundtreki rəsmi toplunun çərçivələrindən daha geniş olub və şərq musiqi mədəniyyətinin pərəstişkarlarına əsl sürpriz bəxş edib. “Kaleidoscope FM” oyunqədərki radio stansiyasının pleylistinə Nelli Furtadonun “Say It Right” hitinin Azərbaycan Xalq artisti Alim Qasımov və Əməkdar artist Fərqanə Qasımova tərəfindən ifa olunan Azərbaycan muğamı tərzində məşhur interpretasiyası daxil olub. “Bizimkilər” layihəsi çərçivəsində duet tərəfindən yaradılmış bu kompozisiya oyunçuların və musiqi icmalçılarının xüsusi diqqətini cəlb edib — xüsusən də, “GameSpot” nəşri qədim muğam sənətinin elementləri olan bu kaveri GTA VI saundtrekində ən yaxşı mahnı adlandırıb.
Blokbaster yaradıcılarının musiqi premiyeraları bununla bitmir. Artıq dekabrın 11-də strinçinq platformalarında süjet missiyalarının keçilməsi zamanı səslənən orijinal instrumental müşayiəti təmsil edən ikinci iri val — “Grand Theft Auto VI: Original Score” işıq üzü görəcək. Musiqinin müəllifi kult fransız elektron dueti “Justice” olub. Musiqiçilərin özləri bu relizi özlərinin beşinci tamhüquqlu studiya albomu kimi nəzərdən keçirirlər, onun oyunun hadisələrindən təcrid olunmuş şəkildə də dinlənilməsi maraqlı olacaq müstəqil əsər kimi nəzərdə tutulduğunu vurğulayırlar. “Justice”in valının rəqəmsal versiyasına 50 kompozisiya daxil olacaq.
