Belarus prezidentliyinə namizəd olmuş Dmitri Usun oğlu İvan Us Ukraynada gedən döyüşlərdə ölüb.
Bu barədə Ukrayna ordusunun Birləşmiş Qüvvələr Komandanlığı məlumat yayıb.
İvan Us bu ilin yanvarında müqavilə bağlayaraq Ukraynaya qarşı müharibəyə qoşulub. Lakin iki ay sonra, yəni mart ayında onunla əlaqə itib və itkin düşmüş hesab olunub. Oktyabr ayında Ukrayna tərəfindən təhvil verilən Rusiya əsgərlərinin meyitləri arasında İvan Usun qalıqları da aşkarlanıb və şəxsiyyəti müəyyən edilib.
Qeyd edək ki, Dmitri Us 2010-cu ildə Belarusda prezident seçkilərində namizəd olub, o, cəmi 0.4% səs toplayıb.
