İsveçdə naməlum şəxs Uddevalla bələdiyyəsindəki məscidə içərisində yandırıcı qarışıq olan butulka atıb.
Bu barədə SVT telekanalı hüquq-mühafizə orqanlarına istinadən məlumat yayıb.
Polisin məlumatına görə, məsciddə olan iki nəfər yanğını operativ şəkildə söndürüb. Hadisə gecə saatlarında baş versə də, şübhəlilər hələ müəyyən edilməyib.
“Orada olanların çevik reaksiyası sayəsində yanğının yayılmasının qarşısı alınıb. Biz bütün halları araşdırırıq”, – hüquq-mühafizə orqanlarından bildirilib.
