İsrail ordusunun (ÇAXAL) “Dəmir qılnc” əməliyyatına başlamasından bəri İsrail ərazisində məhv edilən HƏMAS silahlılarının sayı 1500-ə çatıb.
Bu barədə “Skay Nyus” İsrail ordusuna istinadla məlumat yayıb.
Bildirilib ki, İsrail ərazisində 1500 silahlının cəsədi tapılıb.
Qeyd edək ki, İsrail 7 oktyabrda HƏMAS-ın kütləvi hücumu ilə başlayan müharibədə indiyə qədər 123 hərbçi itirdiyini açıqlayıb. Eyni zamanda, ölkənin Livanla sərhədindəki toqquşmada da İsrail bir polkovnik-leytenantının həlak olduğunu təsdiqləyib.
