“Forbes” nəşri “Lenovo”nu 2026-cı ildə qadınlar üçün dünyanın ən yaxşı şirkətlərindən biri kimi tanıyıb. Şirkət qadınların inkişaf edə, rəhbər vəzifələr tuta və uğur qazana biləcəyi iş mühitinin yaradılmasına sadiqliyini təsdiq edərək qlobal reytinqdə 18-ci yeri tutub.
“Biz hər kəsin uğur qazanmaq imkanına malik olduğu və müxtəlif nöqteyi-nəzərlərin və təcrübənin birləşdiyi mədəniyyətin formalaşmasına diqqət yetiririk”, – deyə “Lenovo”nun qlobal inklüzivlik direktoru Cennifer Bruerman Spenser (“Forbes”in cari ilin reytinqinin dərc olunması ilə bağlı açıqlamasında) bildirib.
“Forbes” tədqiqat şirkəti “Statista” ilə birlikdə 61 ölkədə beynəlxalq şirkətlərdə çalışan 140 000-dən çox qadının rəyləri əsasında illik reytinq hazırlayıb. Respondentlər işəgötürənləri ümumi iş prosesinin təşkili prinsipləri, eləcə də əmək haqqında bərabərlik, karyera yüksəlişi imkanları, ayrı-seçkilik hallarına reaksiya və uşağa qulluq məzuniyyəti kimi məsələlər üzrə qiymətləndiriblər.
“Lenovo”da işçi qrupları və peşəkar icmalar həmkarlarını ümumi təcrübə əsasında birləşdirir, mentorluq və peşəkar inkişaf üçün imkanlar yaradır, həmçinin əməkdaşların öz töhfələrini verə və böyüyə biləcəyi mədəniyyəti gücləndirməyə kömək edir.
“Forbes”, həmçinin “Lenovo”nu 2026-cı ildə dünyanın ən yaxşı işəgötürənləri sırasına daxil edib ki, bu da şirkətin bütün dünya üzrə əməkdaşlar üçün inklüziv və əlverişli iş mühiti yaratmağa sadiqliyini bir daha əks etdirir.
Bu son etiraflar “Lenovo”nun 2025-ci ildə “Forbes”in “Dünyanın ən yaxşı işəgötürənləri” və “Qadınlar üçün dünyanın ən yaxşı şirkətləri” siyahılarına daxil edilməsinin davamı olub və şirkətin bütün dünya üzrə əməkdaşlar üçün inklüziv iş mühitinin yaradılmasındakı ardıcıl tərəqqisini əks etdirən əmək təşkilatı sahəsində digər son etiraflarla müşayiət olunub.
“Lenovo”nun iş yerində inklüzivliyin təmin edilməsi təşəbbüsləri haqqında ətraflı məlumatı şirkətin ekoloji, sosial və idarəetmə aspektləri (ESG) üzrə son hesabatından öyrənmək olar.
