İndi istifadəçilər Birbank-da pul köçürmələrini SİMA İmza vasitəsilə təsdiqləyə bilərlər. Birbank tətbiqi vasitəsilə köçürmələr edərkən artıq təsdiq kodu olan SMS-i gözləmək və onu tətbiqdə qeyd etmək lazım deyil. SİMA İmza-dan istifadə köçürmələrin təsdiqlənməsi prosesini daha sürətli və rahat edir. Əvvəllər belə əməliyyatları təsdiqləmək üçün 3D Secure autentifikasiya sistemi vasitəsilə göndərilən kodlardan istifadə olunurdu.
İnteqrasiya pul köçürmələrinin təsdiqlənməsi prosesinin sadələşdirilməsinə, əlavə addımların aradan qaldırılmasına və müştəri təcrübəsinin daha da yaxşılaşdırılmasına yönəlib.
Hazırda yeni funksiya yalnız Birbank tətbiqində SİMA İmza ilə qeydiyyatdan keçmiş istifadəçilər üçün əlçatandır. Digər istifadəçilər pul köçürmələrini əvvəlki qaydada — 3D Secure kodu vasitəsilə təsdiqləyə bilərlər. Növbəti mərhələdə SİMA İmza vasitəsilə köçürmələri təsdiqləmək imkanı digər istifadəçilərə də təqdim olunacaq.
SİMA İmza haqqında
SİMA — AZCON Holding-ə daxil olan “AzİnTelecom” MMC tərəfindən hazırlanmış yeni nəsil rəqəmsal imzadır. SİMA İmza istifadəçilərə geniş spektrli dövlət və özəl xidmətlərdən təhlükəsiz və rahat şəkildə istifadə etməyə imkan verir. Rəqəmsal imzanı müştüri xidməti mərkəzinə getmədən, mobil tətbiq vasitəsilə pulsuz əldə etmək mümkündür.
