Portuqaliya və Nigeriya milliləri arasındakı yoldaşlıq oyununun başlamasına bir neçə dəqiqə qalmış 77 yaşlı kişi ürəktutmasından vəfat edib.
Hadisə qarşılaşmanın keçirildiyi Leyriya şəhərindəki “Doktor Maqalyaynş Pesoa” stadionunda qeydə alınıb.
Həkimlər fanata dərhal tibbi yardım göstərərək onu Leyriyadakı “Santu-Andre” xəstəxanasına çatdırsalar da, orada onun ölüm faktı təsdiqlənib. Portuqaliya Futbol Federasiyası hadisə ilə bağlı başsağlığı verib.
Qeyd edək ki, Portuqaliya Nigeriya seçməsinə 2:1 hesabı ilə qalib gəlib.
