Türkiyə üçün Cənubi Qafqazda sülh və stabillik həmişə prioritet olub.
Bunu Türkiyə Böyük Millət Məclisinin (TBMM) Xarici əlaqələr komitəsinin sədri Fuad Oktay Bakıda Azərbaycan, Türkiyə və Gürcüstan Parlamentlərinin Xarici əlaqələr komitələrinin X üçtərəfli görüşündə deyib.
O, ölkəsinin Azərbaycan-Ermənistan normallaşma prosesini tam dəstəklədiyini bildirib.
“Bakı və İrəvanın atdığı son addımları etimadqurucu tədbilər hesab edirik”,- Oktay qeyd edib.
Türkiyəli rəsmi TRIPP layihəsinin bütün region üçün, o cümlədən Gürcüstan üçün faydalı olacağını vurğulayıb.
“Türkiyə Ermənistanla normallaşma prosesini davam etdirir. Türkiyə-Ermənistan və Azərbaycan-Ermənistan normallaşması regionda sülh və stabilliyin güclənməsinə töhfə verəcək. Gürcüstanın burada koordinasiyası və dialoqa töhfəsi çox dəyərlidir”, – Fuad Oktay bildirib.
O, Azərbaycan, Türkiyə və Gürcüstan arasında enerji sahəsində əməkdaşlığın daha da artırıla biləcəyini deyib.
