Misirin Hurqada sahillərində batiskafla bağlı hadisə nəticəsində altı rusiyalı həlak olub.
Bu barədə Misirin “Almasry Alyoum” qəzeti məlumat yayıb.
Daha əvvəl isə Rusiyanın Baş konsulluğu gəmidə olan 45 rusiyalı turistin bir çoxunun xilas edildiyini açıqlayıb:
“Martın 27-də saat 10.00 radələrində sahildən bir kilometr məsafədə “Sindbad” gəzinti batiskafında qəza baş verib. Ekipaj üzvlərindən başqa, gəmidə 45 turist, o cümlədən yetkinlik yaşına çatmayan şəxslər olub. Onların hamısı Rusiya vətəndaşıdır”, – məlumatda qeyd olunub.
