Ötən üç sutka ərzində Günəş aktivliyi normal fon səviyyəsində olub.
Noyabrın 20-dən Günəş küləyi parametrlərinin güclənməsi müşahidə oluna bilər.
Bakı Dövlət Universitetinin (BDU) Fizika fakültəsinin Astrofizika kafedrasından verilən məlumata görə, 16 noyabr tarixində baş vermiş zəif tac kütlə atılmaları (TKA) nəticəsində geomaqnit sahənin aktiv hala keçəcəyi, G1 (mülayim) səviyyəli geomaqnit qasırğasının ola biləcəyi proqnozlaşdırılır.
Noyabrın 22-dən etibarən isə geomaqnit sahənin sakit səviyyəyə qayıdacağı ehtimal olunur. Hazırda Günəş küləyinin sürəti 300-360 km/saat intervalındadır.
Dekabrın 5-də isə G1 (mülayim) səviyyəli geomaqnit qasırğası proqnozlaşdırılır.
Qeyd edək ki, maqnit qasırğasının loqarifmik indeksini xarakterizə edən Kp əmsalının orta qiyməti 20-26 noyabr 2023-cü il tarixləri üçün 2-5 intervalında dəyişəcək.
About the Author
