Rusiya Zəngəzur dəhlizinə nəzarət etmək istəyir.
Bu barədə politoloq Elxan Şahinoğlu qeyd edib.
Onun sözlərinə görə, Rusiya Gürcüstan üzərindən Yuxarı Lars sərhəd məntəqəsində tez-tez təmir işləri aparmaq bəhanəsiylə Ermənistanla ticarət əlaqələrinə ara verir:
“Bu yoldan qışda istifadə çətinləşir. Yolun tez-tez bağlanması Ermənistan iqtisadiyyatına problemlər yaradır. Bununla Moskva İrəvana mesaj göndərir ki, Ermənistana Rusiya ilə ticarət əlaqəsinin saxlanılması üçün münasib dəmir yolu Azərbaycan üzərindəndir. Ancaq Kreml eyham vurur ki, bu yolun reallaşmasına dəhlizə nəzarəti Rusiyanın Federal Təhlükəsizlik Xidmətinin Sərhəd Xidməti həyata keçirdiyi halda şərait yaradacaq. Çünki Baş nazir Nikol Paşinyan Rusiyadan asılılığı azaltmaq və Qərbə yaxınlaşmaq istəyərkən ölkəsindən keçən kommunikasiya xətlərinin nəzarətini Kremlə vermək istəmir. Beləliklə, Kremllə İrəvan arasında “dəhlizə kim nəzarət edəcək” sualı ətrafında mübahisə davam edir, bizə isə kənardan seyr etmək qalır”.
