“44 gün ərzində bizə ən böyük dəstək verən qardaş Türkiyəyə bu gün – Anım Günündə öz təşəkkürümü bildirmək istəyirəm”.
Bunu Prezident İlham Əliyev xalqa müraciətində deyib.
O bildirib ki, qardaş Türkiyə və qardaş türk xalqı müharibənin ilk saatlarından Azərbaycanla həmrəy oldular.
“Türkiyə rəhbərliyi və əziz qardaşım Prezident Rəcəb Tayyib Ərdoğan tərəfindən verilən açıqlamalar bizə çox böyük siyasi dəstək oldu, bizə əlavə güc verdi. Biz bunu heç vaxt unutmayacağıq. 44 günlük Vətən müharibəsi bütün dünyaya Türkiyə-Azərbaycan birliyini bir daha göstərdi”.
İlham Əliyev müharibə dövründə Azərbaycana siyasi dəstək göstərən digər dövlətlərə də minnətdarlığını bildirib.
About the Author
