CNN telekanalı eksklüziv peyk görüntülərinə əsaslanaraq İranın nüvə obyektlərini bərpa etməyə çalışdığına dair əlamətlərin müşahidə olunduğunu bildirib.
CNN-in Elm və Beynəlxalq Təhlükəsizlik İnstitutu ilə birlikdə əldə edib təhlil etdiyi peyk görüntülərində Pərçin nüvə obyektinin yaxınlığında xüsusi texnikanın fəaliyyəti əks olunub.
Telekanalın məlumatına görə, görüntülər İranın zərər görmüş nüvə infrastrukturunun bərpasına başlamağa cəhd etdiyini göstərə bilər. Bununla belə, bu fəaliyyətin dəqiq məqsədi hələlik rəsmi şəkildə təsdiqlənməyib.
