Maykl Ceksonun “Triller”, “Qeyri-adi” (“Off the Wall”) və “Pis” (“Bad”) albomlarının prodüseri, musiqiçi, 28 “Qremmi” mükafatının sahibi Kuinsi Cons 91 yaşında dünyasını dəyişib.
Bu barədə məlumatı onun ailəsi təsdiqləyib.
Bildirilib ki, musiqiçi bazar günü gecə evində dünyasını dəyişib.
Qeyd edək ki, 75 illik karyerası boyunca bir çox albom buraxan Cons 20-ci əsrin ən nüfuzlu caz musiqiçilərindən biri hesab olunur.
Karyerasının əvvəlində Frank Sinatra ilə işləyən Cons onun klassik mahnısı olan “Məni Aya uçur” (Fly Me To The Moon) mahnısını caz nümunəsinə çevirə bilib.
