Ermənistan parlamentinin gündəlik iclası zamanı “Hayastan” fraksiyasının deputatı Seyran Ohanyan çıxışı zamanı Qarabağda yerləşdirilən qondarma qurumun bayrağını asıb.
Addim.az erməni KİV-lərinə istinadən xəbər verir ki, bundan sonra müxalifət zalı tərk edərək iclasları boykot edib.
Deputat Vaaqn Aleksanyan çıxışı zamanı sözügedən qondarma bayrağı tribunadan söküb.
Qeyd edək ki, müxalif deputatlar çıxışları zamanı bundan sonra Qarabağa gedəcəklərini bildiriblər. Onu da deyək ki, Azərbaycan öz ərazilərinə qanunsuz səfər edən digər ölkələrin nümayəndələrinə qarşı ciddi şəkildə cavab veriləcəyini bildirib.
