[center][img]htps://azadmedia.az/uploads/posts/2025-12/1764944275_6932e759ec4af6932e759ec4b017649437056932e7-b.png[/img][/center]
Fransa Hərbi Dəniz Qüvvələrinin hərbçiləri cümə axşamı ölkənin nüvə sualtı qayıqlarının yerləşdiyi bazanın üzərində aşkar olunan pilotsuz uçuş aparatlarına atəş açıblar.
Bu barədə bu gün “Le Mondea” məlumat yayıb.
Məlumata görə, axşam saatlarında Fransanın qərbində, Bretanda yerləşən İl-Long sualtı qayıqlar bazasının üzərində beş pilotsuz uçuş aparatı aşkar edilib.
Bildirilir ki, bu strateji hərbi obyektdə ballistik raketlərlə təchiz edilmiş sualtı qayıqlar yerləşir. Bu zonada dronların uçuşuna qadağandır.
Hadisədən sonra dronlara qarşı müdafiə sistemi və axtarış tədbirləri işə salınıb. Bazanın mühafizəsinə cavabdeh hərbçilər dronlara qarşı bir neçə atəş açıblar. Onlardan hər hansı birinin vurulub-vurulmadığı məlum deyil.
İl-Long bazası Fransanın dörd nüvə sualtı qayığının texniki xidmətini təmin edir və onlardan ən az biri daimi olaraq dənizdə olur.
Fransız KİV-lərinin məlumatına görə, keçən ay da bu bölgədə dronlar müşahidə olunub.
About the Author
