Ötən gecə iki naməlum pilotsuz uçuş aparatı (PUA) Moldovanın hava sərhədlərini pozub.
Bu barədə Moldovanın Daxili İşlər Nazirliyi məlumat yayıb.
Məlumatda bildirilir ki, PUA-lar uçuş təhlükəsizliyinə birbaşa təhdid yaratması səbəbindən fövqəladə tədbir olaraq ölkənin hava məkanı təxminən bir saatdan çox müddətə müvəqqəti bağlanıb. Bu səbəbdən Kişinyovda enməli olan iki sərnişin təyyarəsi Rumıniyanın Bakeu hava limanına yönəldilib.
Məlumata görə, operativ məlumatlar hər iki pilotsuz aparatın milli hava məkanını tərk edərək Ukrayna ərazisinə daxil olduğunu təsdiqləyiblər.
