ABŞ nümayəndələri ilə HƏMAS arasında danışıqlar Qətərin paytaxtı Dohada keçirilib.
Bu barədə CNN telekanalı mənbəyə istinadən xəbər verir.
“Dohadakı amerikalı vasitəçi vasitəsilə ABŞ bu həftə HƏMAS ilə danışıqlar aparıb. ABŞ tərəfindən danışıqlara fələstin əsilli amerikalı Bişara Bahbah rəhbərlik edib”, – mənbə bildirib.
B.Bahbah 2024-cü il seçki kampaniyası zamanı Donald Trampı dəstəkləyən ərəbəsilli amerikalılar qrupuna rəhbərlik edib. O, həmçinin Tramp administrasiyası adından danışıqlarda iştirak edib, daha əvvəl isə HƏMAS ilə qeyri-rəsmi əlaqə kanalı qurub. Bu da Amerika vətəndaşlığı olan İsrail hərbçisi İdan Aleksandrın Qəzza zolağından azad edilməsinə imkan verib.
