Suriyanın keçid dövrü Prezidenti Əhməd əş-Şəraa mayın 7-də Fransaya səfər edəcək. Bu, onun Avropaya ilk səfəri olacaq.
Bu barədə BFMTV telekanalı Yelisey sarayındakı mənbəyə istinadən məlumat yayıb.
Bildirilib ki, o, Parisdə Fransa Prezidenti Emmanuel Makronla danışıqlar aparacaq.
“E.Makron Fransanın yeni, azad, sabit, suveren Suriyanın qurulmasına dəstəyini təsdiqləyəcək”, – mənbə qeyd edib.
Fransa Prezidenti fevralın əvvəlində Əhməd əş-Şəraanı Fransaya səfərə dəvət etmişdi.
