US President Donald Trump (L) chats with Russia's President Vladimir Putin as they attend the APEC Economic Leaders' Meeting, part of the Asia-Pacific Economic Cooperation (APEC) leaders' summit in the central Vietnamese city of Danang on November 11, 2017. / AFP PHOTO / SPUTNIK / Mikhail KLIMENTYEV (Photo credit should read MIKHAIL KLIMENTYEV/AFP/Getty Images)
Rusiya prezidenti Vladimir Putinlə ABŞ prezidenti Donald Tramp arasında yaxın günlərdə telefon danışığı planlaşdırılmır.
Bunu Kremlin mətbuat xidmətinin rəhbəri Dmitri Peskov jurnalistlərə bildirib.
“Prezidentin qrafikində bununla bağlı hələ heç nə yoxdur”, – Dmitri Peskov deyib.
O, həmçinin Trampın müşavirlərinin ona Moskva Ukraynada tam atəşkəs elan edənə qədər Rusiya prezidentinə zəng etməkdən çəkinməyi tövsiyə etməsi ilə bağlı xəbəri şərh etməyib.
“Hazırda mediada çoxlu saxta, şayiələr, fərziyyələr və açıq yalanlar dərc olunur”, – Kremlin mətbuat katibi bildirib.
O əlavə edib ki, Rusiya və ABŞ Vladimir Putinin əvvəllər səsləndirdiyi Ukrayna böhranının həllinin “nüansları” ilə bağlı danışıqlar aparır.
Rusiya və ABŞ prezidentləri arasında ilk telefon danışığı fevralın 12-də olub. Putinlə Tramp arasında ikinci söhbət isə martın 18-də baş tutub.
