İndiyədək Rusiyanın Kursk vilayətində Şimali Koreyanın 300 nəfər hərbçisi ölüb, 2700 nəfəri isə yaralanıb.
Bu barədə məlumatı Cənubi Koreyanın Milli Kəşfiyyat Xidməti yayıb.
Bildirilib ki, yüksək itkilərin səbəbi Şimali Koreya ordusunun müasir müharibə texnologiyasından anlayışının olmaması, eləcə də pilotsuz uçuş aparatlarını (PUA) vura bilməməsidir.
Kəşfiyyat məlumatlarına əsasən, Koreya Xalq Demokratik Respublikasından olan komandirlər hərbçilərə əsir düşməmək üçün intihar etmək əmrini verib.
Aralarında kəşfiyyatçıların da olduğu əsirlər isə ölkələrinə göndərilməkdən imtina ediblər.(APA)
