Avropa İttifaqı Şurasının prezidenti Şarl Mişel Rusiya prezidenti Vladimir Putini seçkilərdəki qələbəsi münasibətilə “təbrik edib”.
Bu barədə Mişel Rusiya prezident seçkiləri ilə bağlı paylaşımında yazıb:
“Bu gün başlayacaq seçkilərdə Vladimir Putini qələbə münasibətilə təbrik etmək istərdim. Müxalifət yoxdur. Azadlıq yoxdur. Seçim yoxdur”.
Avropa İttifaqı və NATO-dan olan digər siyasətçilər də seçkilərə şübhə ilə yanaşıblar. Aİ-nin xarici siyasət və təhlükəsizlik məsələləri üzrə ali nümayəndəsi Jozep Borelin sözçüsü bildirib ki, müasir Rusiyada azad, ədalətli və demokratik səsverməni təsəvvür etmək çətindir.
NATO-nun baş katibi Yens Stoltenberq isə daha sərt danışıb: “Rusiyada seçkilər azad və ədalətli olmayacaq. Biz bilirik ki, müxalifət siyasətçiləri həbsdədir, digərləri öldürülüb, bir çoxu isə mühacirətdədir”.
Xatırladaq ki, prezident seçkiləri bu gün başlayıb və martın 17-dək davam edəcək.
About the Author
