Türk Hava Yollarının təyyarəsi İstanbuldan Afinaya uçmağa hazırlaşarkən sahibinin biletsiz və qəfəssiz özü ilə gətirdiyi pişiyin kabinəyə girərək dolaşması nəticəsində uçuş-enmə zolağından geri dönməli olub.
Sərnişinlərin götürülməsini tamamlayan təyyarə qalxmaq üçün uçuş-enmə zolağına doğru hərəkət edib.
Bu vaxt sərnişinlər təyyarənin salonunda gəzən pişiyi görüblər. Vəziyyət kabin heyətinə bildirildikdən sonra pilot İstanbul Hava Limanı Hava Hərəkətini İdarəetmə Mərkəzi ilə əlaqə saxlayıb. İcazə verildikdən sonra təyyarə dayanacaq vəziyyətinə qayıdıb.
Yoxlama zamanı müəyyən edilib ki, pişik sərnişin tərəfindən ödəniş edilmədən və daşımağa uyğun çantası olmadan təyyarəyə mindirilib. Sahibinin pişiyi kabin baqajına qoyaraq təyyarəyə mindirdiyi anlaşılıb.
Qəfəsi və bileti olmayan pişik və sahibi təyyarədən endirildikdən sonra uçuş davam edib.
THY-nin daha əvvəl də oxşar davranışda olduğu aşkarlanan sərnişinə “qara siyahı” proseduru tətbiq edəcəyi bildirilib.(“Qafqazinfo”)
About the Author
