“Nikol Paşinyanın xəyanətkar fəaliyyəti ucbatından biz özümüzü çirkabın içində tapdıq”.
Bu sözləri Ermənistanın keçmiş baş naziri Hrant Baqratyan jurnalistlərə açıqlamasında deyib. O, Paşinyanın hakimiyyətdə olduğu müddətdə günü-gündən Ermənistan itirə-itirə getdiyini açıqlayıb.
“Paşinyan Gorus-Qafanı azərbaycanlılara verib. Bu Paşinyanın qeyri-peşəkarlığıdır”.
Bundan əlavə, Baqratyan Nikolun baş nazir postundan getməli olduğunu və yerinə bu məsələlərdən anlayan birinin gəlməsinin vacibliyini vurğulayıb.
“Mən özümü bu çətin vaxtı baş nazir postuna namizədliyimi təklif edirəm. Bizim qarşımızda ölkəni xilas etmək vəzifəsi var, təəccüblənməyin ki, Paşinyanın hakimiyyətdə olduğu müddətdə sabah azərbaycanlılar İrəvana daxil olduğunu görəcəksiniz”.
