Qarabağ ermənilərinin geri qayıtması təmin edilməlidir.
Bu barədə Avropa İttifaqı Şurası nazirlərinin iclasında qəbul edilmiş bəyanatda deyilir.
Vurğulanıb ki, Azərbaycan Qarabağ ermənilərinin insan hüquqlarını, əsas azadlıqlarını və təhlükəsizliyini, o cümlədən onların öz evlərində hədə-qorxu və ayrı-seçkilik olmadan yaşamaq hüququnu təmin etməli, habelə onların könüllü, təhlükəsiz və davamlı yaşaması üçün şərait yaratmalıdır.
Bu barədə Aİ Azərbaycan Prezidenti İlham Əliyevin Qarabağ erməniləri ilə sülh şəraitində yaşamaq və onların hüquqlarını qorumaq istəyi ilə bağlı açıqladığı bəyanatları diqqətə çatdırıb.
Aİ həm Azərbaycanın, həm də Ermənistanın suverenliyi, sərhədlərinin toxunulmazlığı və ərazi bütövlüyünü dəstəklədiyini bir daha təsdiqləyib.
