Ermənistanın Baş naziri Nikol Paşinyan ölkənin gerbini tənqid edib.
Bu barədə o, parlamentdə çıxışı zamanı danışıb.
Paşinyan deyib ki, Ermənistan gerbinin 1991-ci ildə qurulan dövlətə heç bir aidiyyəti yoxdur.
“Orada nə göstərilir? Ağrı dağında (Türkiyə ərazisində yerləşir – Red.) Nuhun gəmisi və Ermənistanın dörd sülaləsinin gerbləri. Emblemə baxanda belə bir sual yarandı: bunun bizə nə dəxli var? Axı biz bunu 1991-ci ildə qəbul etmişik. Bunun 1991-ci ildə qurulan dövlətə nə dəxli var?”, – deyə baş nazir bildirib.
Paşinyan qeyd edib ki, gerbin mərkəzində Ağrı dağında Nuhun gəmisini və indiki Ermənistan ərazisini sular altında görmək olar. O gerbdə uzun müddətdir ki, Ermənistanın təbii şəraitində yaşamayan aslan təsvirinə də diqqət çəkib.
About the Author
