“Rusiyanın nüvə silahından istifadə edəcəyinə inanmıram. Qərb Putinin şantajına aldanmamalıdır”.
Bu barədə Ukrayna prezidenti Volodimir Zelenski Almaniyanın “Bild” qəzetinə danışıb.
Zelenski Putinin Rusiyada elan edilən qismən səfərbərlikdən xəbərdar olduğunu və kəşfiyyat bölmələrinin onlara məlumat verdiyini vurğulayıb:
“Qismən səfərbərlik Rusiyanın zabit və digər hərbi qulluqçularla problemlərinin olduğunu göstərir. Artıq bilirik ki, onlar hərbi kursantları və döyüşə bilməyən kişiləri səfərbər edirlər. Bu tələbələr təhsillərini belə başa vura bilməyiblər. Bu insanlar döyüşə bilməzlər. Bizə gəldilər və öldülər”.
