Rusiyanın Kabildəki səfirliyinin yaxınlığında partlayış baş verib.
Bu barədə məlumatı “Al Arabiya” telekanalı yayıb.
Məlumata görə, bir terrorçu Dar-ul-Aman küçəsində öz üzərinə yerləşdirilmiş partlayıcı qurğunu işə salıb.
Bununla yanaşı, “Taliban” hökumətinin tərəfdarlarının insidentdən əvvəl sözügedən şəxsə atəş açdığı da bildirilir.
Hadisənin digər detalları açıqlanmayıb.
Əfqanıstanın “Peshgo News” agentliyinin məlumatına görə, partlayış nəticəsində 20-dən çox insan həlak olub.
İnsident nəticəsində yaralıların da olduğu bildirilir. Qeyd olunub ki, partlayış rusiyalı diplomatın Əfqanıstan vətəndaşlarının sənədləri üçün binadan çıxdığı zaman baş verib.
Rusiya XİN-in məlumatına görə, partlayış nəticəsində Rusiya səfirliyinin iki əməkdaşı həlak olub.
