Beynəlxalq Futbol Tarixi və Statistikaları Federasiyası (İFFHS) 2024-cü ildə keçirilən bütün turnirlərdə ən çox qol vuran futbolçuların adlarını açıqlayıb.
“Qarabağ”ın hücumçusu Juninyo Olavio da siyahıya düşüb.
Braziliyalı forvard 26 qolla siyahının 45-ci pilləsində qərarlaşıb. O, il ərzində Premyer Liqada 10, ölkə kubokunda 5, avrokuboklarda 11 dəfə fərqlənib. Luis Suares və Koul Palmer kimi ulduz futbolçular da eyni sayda qol vurublar. Lakin Juninyo əlavə göstəricilərə görə onları qabaqlayır.
Ümumilikdə 54 futbolçunun yer aldığı cədvələ İsveç millisinin və “Sportinq”in hücumçusu Viktor Qyökereş başçılıq edir. O, bu il aktivinə 59 qol yazdırıb. Erlinq Haland (Norveç, “Mançester Siti”) 47 qolla ikinci, Harri Keyn (İngiltərə millisi, “Bavariya”) 46 qolla üçüncüdür.
About the Author
