Portuqaliya millisinin ulduzu Kriştianu Ronaldo Lionel Messi ilə brend markalardan biri üçün çəkilən fotosundan danışıb.
O, ölkəsinin mediasına açıqlamasında Qətərdə keçirilən dünya çempionatında rəqiblərini mat edəcəyinə ümidli olduğunu bildirib:
“Ümidliyəm ki, dünya çempionatında rəqibləri mat edərəm. Sizdən xahişim isə budur ki, digər oyunçular haqqında danışandan məndən söz açmayın. Onların özləri haqqında sual verin”.
Ulduz forvard “Mançester Yunayted”də və yığmada komanda yoldaşı olan Bruno Fernandeşin onunla görüşməməsi ilə bağlı yayılan video haqda da danışıb: “Bruno təyyarəyə gecikdi və ona “gəmi ilə gəldin” deyə sual verdim. Başqa heç bir problem olmayıb”.
Kriştianu Pirs Morqana verdiyi qalmaqallı müsahibədən də söz açıb: “Mən hər zaman doğru vaxtı seçirəm. Sizin tərəfdən buna baxmaq asandır. Başqalarının nə düşündüyü barədə narahat deyiləm. Mən istədiyim zaman danışaram. Hər kəs mənim kimliyimi və nəyə inandığımı bilir”.
“Qafqazinfo”
About the Author
