1991-ci ilin bu günündə Naxçıvan Ali Məclisinin fövqəladə sessiyasında muxtar respublika ərazisində Sov.İKP-nin və komsomol təşkilatının fəaliyyətinin dayandırılması və onların əmlakının milliləşdirilməsi haqqında qərar çıxarılıb.
Ali Məclis, həmçinin Moskvada kommunist-revanşist qüvvələrin “avqust qiyamı”nı pisləyən bəyanat qəbul edib.
Bəs, avqustun 27-də dünyada daha hansı hadisələr baş verib?
1. 27 avqust 1389-cu ildə Osmanlı ordusu serbləri Kosova meydanı müharibəsində məğlub etdi. Sultan 1-ci Murad qələbədən sonra döyüş meydanını gəzərkən yaralı bir serb əsgəri tərəfindən öldürüldü.
2. 27 avqust 1922-ci Türk ordusu yunan işğalı altındakı Afyonu xilas etdi.
3. 27 avqust 1950-ci ildə BBC dünyada ilk xarici televiziya yayımını həyata keçirdi.
4. 1955-ci ilin bu günündə “Ginnesin rekordlar kitabı” ilk dəfə Böyük Britaniyada “Ginness” pivə zavodunun sifarişi ilə nəşr edilib. Çox keçmədən Britaniya bestselleri olub. Hazırda isə dünyanın 100-dən çox ölkəsində, 24 dildə çap olunur.
5. 27 avqust 1979-cu ildə Türk Hava Yollarının Frankfurt bürosuna terror təşkilatı ASALA tərəfindən bombalı hücum edildi.
6. 27 avqust 1973-cü ildə Türkiyə-İraq Neft Kəməri Müqaviləsi imzalandı.
7. 27 avqust 1978-ci ildə Birma Hava Yollarına aid bir təyyarə havada partladı, göyərtədəki 14 nəfər həlak oldu.
8. 27 avqust 1982-ci idə Türkiyənin Ottavadakı səfirliyinin hərbi attaşesi Atilla Altıkat terror təşkilatı ASALA tərəfindən təşkil olunan silahlı hücumda şəhid oldu.
9. 27 avqust 1991-ci ildə Bakı Şəhəri Xalq Deputatları Sovetinin qərarı ilə Leninin şəhərin mərkəzi meydanındakı heykəli sökülüb. Onun adını daşıyan meydanın adı dəyişdirilərək “Azadlıq meydanı” adlandırılıb.
10. 27 avqust 2002-ci ildə Tokioda bir məhkəmə ilk dəfə Yaponiyanın 2-ci Dünya müharibəsində və ondan əvvəl bioloji silahdan istifadə etdiyini qəbul etdi.
11. 27 avqust 2007-ci ildə Yunanıstanın Mora yarımadasının üçdə ikisinə təsir edən və fövqəladə hal elan edilməsinə səbəb olan meşə yanğınlarında 62 insan həlak oldu.
Avqustun 27-də bu şəxsiyyətlər xatırlanır:
1. 27 avqust 1918-ci ildə Əməkdar rəssam Ənvər Almaszadə (1918 – 6.3.2007) Bakıda doğulub. Akademik Opera və Balet Teatrında rəssam (1937–1992) işləyib.
2. 27 avqust 1921-ci ildə yazıçı-dramaturq Seyfəddin Dağlı (Seyfəddin Əliağa oğlu Abbasov; 1921 – 18.1.1983) Xızıda doğulub. “Adı sənin, dadı mənim”, “Aydınlığa doğru” və s. pyeslərin, “Bahar оğlu”, “Məşəl” kitablarının müəllifidir. “Kirpi” jurnalının baş redaktoru olub.
3. 27 avqust 1928-ci ildə Əməkdar rəssam Nadir Zeynalov (1928 – 16.3.1987) anadan olub.
4. 27 avqust 1929-cu ildə Əməkdar mədəniyyət işçisi, aktyor, rejissor Məmmədkamal Kazımov (1929 – 13.12.2005) Bakıda anadan olub. Akademik Dram, Sumqayıt, Ağdam teatrlarında çalışıb, filmlərdə çəkilib.
5. 27 avqust 1942-ci ildə ərəbşünas alim, akademik Vasim Məmmədəliyev (1942 – 13.10.2019) Bakıda anadan olub. “Qurani Kərim”in Azərbaycan dilinə tərcüməçilərindən biridir. “Ərəb dilçiliyi”, “Quran və elm” və s. monoqrafiyaların, dərsliklərin müəllifidir.
6. 27 avqust 1998-ci ildə görkəmli kinorejissor, Xalq artisti Tofiq Tağızadə (7.2.1919 – 1998) vəfat edib. Filmləri: “Görüş”, “Uzaq sahillərdə”, “Yeddi oğul istərəm”, “Dədə Qorqud”, “O dünyadan salam” və s.
7. 27 avqust 2022-ci ildə Azərbaycan miniatür sənətinin tədqiqatçısı, sənətşünaslıq doktoru, professor Cəmilə Həsənzadə (7.12.1947 – 2022) vəfat edib.(Bizim.Media)
