Dünya Bankı ölkələrində yüksək urbanizasiya, aşağı iqlim dayanıqlılığı müşahidə olunur.
Bunu BMT-nin İqlim Təhlükəsizliyi Mexanizminin məsləhətçisi Antonio Sampayo Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində təşkil olunmuş “Daha təhlükəsiz və dayanıqlı şəhərlərin formalaşdırılması: Şəhər iqlimi, sülh və təhlükəsizlik üzrə siyasət sənədinin layihəsi”nin müzakirəsində bildirib.
“Beləliklə, iqlim dəyişikliyi intensivləşdikcə və eyni zamanda urbanizasiya, xüsusilə münaqişələrdən zərər çəkmiş və kövrək regionlarda sürətləndikcə, bu şəraitdə olan ölkələr adətən ən sürətlə şəhərləşən ölkələr olur. Dünya Bankının kövrək və münaqişədən zərər çəkmiş ölkələr siyahısına daxil olan bütün dövlətlərdə (Ukrayna istisna olmaqla) urbanizasiya səviyyəsi dünya ortalamasından yüksəkdir. Eyni zamanda, Notre Dame İqlim Həssaslığı İndeksinə əsasən, bu ölkələr iqlimə qarşı son dərəcə həssasdır və iqlimə dayanıqlılıq baxımından siyahının ən aşağı sıralarında yer alır”.
