Bu gün Qırğızıstan-Özbəkistan-Türkmənistan-Azərbaycan-Avropa İttifaqı (Aİ) nəqliyyat dəhlizi tam fəaliyyət göstərir.
Bunu ölkənin nəqliyyat və kommunikasiya nazirinin müavini Beknazar Bazaraliyev bildirib.
Onun sözlərinə görə, yerli yük daşıyıcıları malların Avropaya çatdırılması üçün artıq bu marşrutdan istifadə edirlər.
“Yük daşıyıcılarımız mallarını Avropaya aşağıdakı marşrutla çatdırırlar: Qırğızıstandan Özbəkistana, sonra Türkmənistana, daha sonra Xəzər dənizi vasitəsilə Azərbaycana və nəhayət Avropaya. Bu gün biz Şimal-Cənub yolunun istismara verilməsi prosesinin astanasındayıq ki, bu da nəqliyyat dəhlizi üçün yaxşı perspektivlər açır”, – o bildirib.
Bu nəqliyyat dəhlizi malların Qırğızıstandan Türkmənistana, “Türkmənbaşı” limanına, daha sonra isə növbəti mərhələdə Xəzər dənizi vasitəsilə Avropaya və ya Həştərxana (Rusiya) nəqli üçün “Ələt” limanına (Azərbaycan) daşınmasına imkan verir.
