Qoç – qarşınıza qoyduğunuz məqsədlər arasında ən mühümünü seçin, ona çatmağa can atın. Digər məsələlər ikinci dərəcəlidir. Diqqətinizi dağıtmayın. Yeni işdə fəndgir, hiyləgər olun. Yaxın ətrafınızdakı insanlar sizə inanmalıdır.
Günün ikinci yarısında rutin və adi işin yerinə yetirilməsində çətinliklər yarana bilər. Yeni tərəfdaşlarla təmaslarda diqqətli olun. Aşkar münaqişələrə qatılmayın, rəqabətdə fiqura çevrilməyin.
Mənasız intriqalar münasibətləri korlaya bilər.
Buğa – günün ilk yarısından maksimal dərəcədə effektiv istifadə etməyə çalışın. Məhsuldar, səmərəli zamandır. Peşəkar fəaliyyət müstəvisində uğurlar əldə edə bilərsiniz. Hədəf və məqsədlərinizi dəqiqləşdirin. Yazılmamış qanunları, ənənələri müvəqqəti olaraq unuda bilərsiniz. Yaxın ətrafınızdakı insanlardan biri sizə iradını bildirərsə, fikir verməyin.
Günün ikinci yarısında qətiyyətli olun. İstirahəti, qüvvələrinizi bərpa etməyi unutmayın. Saatlar keçdikcə işgüzar fəallığınız səngiyə bilər. Tənha qalmaq, müstəqil çalışmaq istəyəcəksiniz. Hansısa məsələnin yaxınlarınızla müzakirəsi üçün münasib zaman deyil.
Əkizlər – günün ilk yarısında müsbət təmayüllərin təsiri güclüdür. Nə istədiyinizi dəqiqləşdirin. Kompromislərə razılaşmayın. Peşəkar qabiliyyətləriniz və şəxsi məziyyətlərinizi yaxşı nümayiş etdirməyinizə imkan verəcək sifariş, təklif ala bilərsiniz.
Günün ikinci yarısında həyatınızda xoş dəyişikliklər olacaq. Saatlar keçdikcə ilk baxışdan mürəkkəb təsir bağışlayacaq yeni sifarişlər istisna deyil. Bədbinliyə qapılmayın, ruhdan düşməyin. Məqsədə çatmaq üçün izafi səylərə, ifrat zəhmətə ehtiyac yoxdur. Məntiqli, fəndgir olun.
Xərçəng – emosional fon stabil deyil. Mürəkkəb, qarışıq gündür. Bədbinliyə qapılmayın. Bu yaxınlarda başladığınız işə marağı itirməyin. Qəmlənməyin. Yaxşı məsləhətlərə qulaq asın, yardımlardan imtina etməyin. Yaxınlarınızın dediklərini diqqətlə dinləyin. Yaranmış ağır situasiyadan çıxış yolu var.
Günün ikinci yarısında situasiya sürətlə dəyişməyə başlayacaq. Axşam saatlarına yaxın işgüzar aktivliyiniz arta bilər. Ümumi kommersiya maraqlarınızın olduğu insanlarla əməkdaşlıq şərtlərini müzakirə etməyə dəyər. Birgə fəaliyyət planları qurmaq olar.
Axşam saatlarında gəzintiyə çıxmağı unutmayın.
Şir – işlər pis deyil. Hər şey planlaşdırdığınız təki deyil. İmprovizələri unutmayın. Hamının öyrəşdiyi və adət etdiyi metodlardan, ənənəvi yollardan istifadə etməyin. Yaxın ətrafınızdakı insanlar sizi dəstəkləyəcəklər. Çoxdan bəri əlaqə qurmaq istədiyiniz insanın diqqətini cəlb edin.
Günün ikinci yarısında səhhətinizdə problemlər istisna deyil. Xroniki ağrılar yenidən başlaya bilər. Profilaktik tədbirləri təxirə salmayın. Səhhətinizə, sağlamlığınıza nə qədər diqqətli yanaşsanız, özünüzü bir o qədər yaxşı hiss edəcəksiniz.
Axşam saatlarında gəzintiyə çıxın.
Qız – iş və karyeranı diqqət mərkəzində saxlasanız, uğur qazanacaqsınız. Məhsuldar fəaliyyət göstərin. Yaxın ətrafınızdakı insanlar, işdəki həmkarlar bunu görəcəklər. Gərəkli vaxtda gərəkli yerdə olmağa çalışın. Nüfuzlu insanla ünsiyyət qurun.
İndiyədək sizi bəyənməyən, sərt tənqid edən insanlarda özünüzlə bağlı xoş təəssürat yaratmağa can atın.
Günün ikinci yarısında şəxsi münasibətlərdə müsbət dəyişikliklər üçün səy göstərin. Təşəbbüskar olun. Sevdiyiniz insanı sevindirməyə çalışın. Əvvəllər yol verdiyiniz səhvin fəsadlarını aradan qaldırmaq üçnü bütün mümkün variantları nəzərdən keçirin.
Axşam saatlarında normal istirahət edin.
Tərəzi – əlverişli gündür. Müsbət təmayüllərin təsiri güclənir. İşlərinizdə uğurların olacağına şübhə ilə yanaşmayın. İşgüzar təşəbbüslərinizdə qətiyyətli olun. Yaxın ətrafınızdakı insanlar sizi dəstəkləməsələr də, yolunuzdan qalmayın.
İri anlaşmalar və müqavilələr, habelə bahalı əşyalar və nəsnələr almaq üçün münasib zamandır.
Günün ikinci yarısında xoş görüşlər, maraqlı tanışlıqlar istisna deyil. Yeni tanış olduğunuz insan barədə rəy formalaşdırmağınız üçün çox vaxta ehtiyac yoxdur. Bu adamla münasibətlərin dərinləşdirilməsi şanslarını dəyərləndirin.
Əqrəb – kommersiya fəaliyyəti üçün əlverişli zamandır. Anlaşmalar, sövdələşmələr və müqavilələrin şərtlərini təfsilatlı şəkildə müzakirə etmədən işə başlamayın. İşgüzar intuisiyanız iti olmalıdır. Yeni layihələrin perspektivlərini dəqiqləşdirin.
Maraqlı işgüzar təkliflər ala bilərsiniz. Arzuladığınız işi və ya sifarişi ala bilərsiniz.
Günün ikinci yarısında şəxsi münasibətlərinizdə müsbət irəliləyişlər ola bilər. Ciddi dəyişikliklər ehtimalı azdır. Buna rəğmən əhəmiyyətli problemlər də olmayacaq. Yaxınlarınız sizi anlayır və iradlarını bildirmirlər. Onların gözləntilərinə azacıq da olsa, uyğunlaşmağa çalışın.
Oxatan – başladığınız işlərin hamısını uğurla başa vuracağınıza ümid etməyin. Bəzi işlərdəki gecikmələr və probemlərin səbəbkarı siz deyilsiniz. Yerinizdə saymayın. Sonuclanmasına az qalmış layihəni yarımçıq qoymayın. Sənədləşdirmədə problemlər istisna deyil. Buna rəğmən gərəkli sənədləri vaxtında almağa çalışın.
Günün ikinci yarısında təmkinli və soyuqqanlı olun. Belə davranışınız yaxın ətrafınızdakı insanlarda güclü qıcıq hissi yarada bilər. Belə olarsa, evdə də münasibətlər problemli olacaq.
Oğlaq – yeni işə başlamaq və layihəyə start vermək üçün əlverişli zamandır. Yaxşı gəlir əldə edə bilərsiniz. İzafi səylərə əsla ehtiyac yoxdur. Uğurlarınız bəzi adamlarda paxıllıq hissi yarada bilər. Yeni rəqiblərinizin peyda olmasına təəcüblənməyin. İndiyədək gərgin olan münasibətlər, ümumiyyətlə, pozula bilər.
Günün ikinci yarısında səfər və ya səyahət yaxşı alına bilər. Yeni tərəfdaşlarla dil tapmaq çətin deyil. Yaşlı qohumlarla ünsiyyətdə isə diqqətli olun, sözlərinizə fikir verin.
Emosional davranmayın, aqressiv olmayın.
Dolça – diqqətli davranın. İlk baxışda önəmsiz və kiçik təsir bağışlayan olayın əslində çox ciddi fəsadları ola bilər. Olayların gedişatı arzuolunmaz istiqamətdə ola bilər. Faydalı məlumatları yadda saxlayın, onlardan yararlanmağa çalışın. Maraqlı informasiyalar irəliləyişinizə yardım edə bilər.
Günün ikinci yarısında yaxınlarınızla münasibətlərdə səmimi, qayğıkeş olun. Nigaranlıq və problemlərinizi etibar etdiyiniz insanla bölüşə bilərsiniz. Həmin şəxs sizi anlayacaq, irad və tənələrini bildirməyəcək.
Axşam saatlarını dəyər verdiyiniz insanlara həsr edin.
Balıqlar – diqqətli və sayıq olun. Mənfi təmayüllərin təsiri güclənəcək. Problem gözləmədiyiniz vaxtda və məkanda çətinliklərlə qarşılaşa bilərsiniz. Adi, rutin işlərin görülməsi də asan deyil. Gecikmələr, təxirəsalmalar, anlaşılmazlıqlar, kiçik problemlər istisna deyil.
Günün ikinci yarısında kiminsə yardımlarına bel bağlamayın. Müstəqil fəaliyyət göstərin. Sizi anlayacaq, istək və niyyətlərinizi başa düşməyə çalışacaq insanla tanışa bilərsiniz. Axşam saatlarında başlayacaq romantik təmaslar sürətlə, harmonik inkişaf edəcək.
Milli.Az
About the Author
