Qoç – hadisələrlə zəngin gündür. Enerjili və aktiv davranmağa çalışın. Yaxın ətrafınızdakı insanlar sizdən yardım və dəstək istəyir, diqqət və qayğı tələb edirlər.
Öz işlərinizi unudaraq başqalarının problemləri ilə məşğul olmayın. Bir qədər tənəffüs edin, dincəlin.
Günün ikinci yarısında şəxsi münasibətlərdə romantik “yellər” əsə bilər. Yeni tanışlıqlarda ehtiyatlı olun. İlkin təəssürata çox inanmayın.
Axşam saatlarında normal istirahət etməyə çalışın.
Buğa – maliyyə öhdəlikləri götürməyin. Bilik və bacarıqlarınızı nümayiş etdirin. Çətin işlərə başlamaqdan çəkinməyin. Həmin işdə uğur qazanacaqsınız. Gərəkli nəticəni düşündüyünüz vaxtdan da tez, sürətlə əldə edə biləcəksiniz.
Rəğbət bəslədiyiniz insanla ünsiyyətdə səmimi və qayğıkeş olun.
Günün ikinci yarısında sayıq davranın. Faydalı biliklər və gərəkli məlumatlar əldə etmək şansından yararlanın.
Yaşam potensialınızın səviyyəsi yüksək olacaq. Aktiv və enerjili olun. Yorğunluq hiss etməyəcəksiniz. Bütün günü çalışmalı olsanız da, ruhdan düşməyin. Gözlənilməz hədiyyələr və xoş sürprizlər olacaq.
Əkizlər – asan olmayan, amma maraqlı və yaddaqalan zamandır. Təşəxxüslü olmayın və etiraf edin ki, hələ bilmədiyiniz, öyrənməyiniz gərəkən çox nəsnə var. Sizə yaxşı məsləhət verəcək adam xoşlamadığınız şəxs də ola bilər. Fərdlərə yox, sözlərə və niyyətlərə fikir verin.
Günün ikinci yarısında münaqişəyə qatılmayın. Vəziyyət gərginləşəndə aranı zarafatla soyutmaq yaxşı ideya deyil.
Pulla ehtiyatlı olun, lazım olduğundn artıq xərcləməyin. Ehtiyac duymadığınız əşyalar almayın. Borc alıb borc verməyin.
Xərçəng – asan qələbələr və sürətli irəliləyişin olacağını düşünməyin. Məqsədinizə
nail ola bilərsiniz, amma ciddi səy göstərməlisiniz. Planda tutduğunuz tədbiri unutmayın. Önəmli şəxslərlə görüşdə məntiqli davranın.
Yola çıxsanız, ehtiyatlı olun, çünki xoşagəlməz hadisə riski artıb.
Günün ikinci yarısında maliyyə məsələlərində əlverişli vəziyyət müşahidə olunacaq. Sevdiyiniz insan işlərinizlə maraqlanacaq.
Bir qədər romantik olun.
Şir – təxribatlara uymayın. Sizi təbdən çıxarmağa, sinirləndirməyə çalışacaqlar. Təmkinli olun, soyuqqanlı davranın. Sizdən öz maraqları üçün istifadə etməyə çalışan insanın hiyləgərliyinə aldanmayın. Yaşlı nəsil mənsubları ilə münasibətlər gərginləşəcək. Onlar fikirlərinizi anlamırlar, mövqeyinizi qəbul etmirlər.
Günün ikinci yarısında intriqa, hiyləgərlik, avantüraya qatılmayın. Səmimi və şəffaf olmağa çalışın. Axşam saatlarıda zahiri görünüşünüzün qüsursuz olması qarşı tərəfdə xoş təəssürat yaradacaq.
Qız – hadisələrlə zəngin, intensiv gündür. Müsbət təmayüllərin təsiri az deyil. Hədəfə çatmaq üçün alternativ yollar görünür. Çoxdan bəri maraqlandığınız insanda özünüzə rəğbət oyatmaq şanslarınız var. İmici yeniləyin. Orijinal, ekstravaqant vasitələrlə problemləri həll etmək olar.
Günün ikinci yarısında dövlət qurumlarından birinin mənsubu ilə danışıqlarda diqqətli olun. Maraqlı tanışlıq ola bilər.
Hüquqlarınızın tapdanmasına imkan verməyin.
Ətraflı
Tərəzi – qarışıq, laübəli gündür. Bədxahlardan birinin səbrlə hazırladığı məkrli planın, təcrübəli manipulyatorun fitnəsinin qurbanı olmayın. Ətrafınızdakı insanların məsləhətləri ilə müqayisədə öz məntiqinizə güvənin. Tələyə düşsəniz, qurtulmaq asan olmayacaq.
Etibar etdiyiniz və güvəndiyiniz insan günün ikinci yarısında qəribə davranacaq. Bir qədər diqqətli olsanız, onun əməlləri və sözlərinin əsl səbəblərini anlaya bilərsiniz.
Səhhətinizdə problemlər mümkündür. İzafi yorğunluğun fəsadları üzə çıxacaq. Adi günlərdən fərqli olaraq indi tez yorulduğunuzdan ağır işə başlamayın. Bəzi planları təxirə salın.
Əqrəb – düşərli zamandır və şəraitdən yararlanın. Qarşınıza qoyduğunuz məqsədlərə çatmaq üçün inamla irəliləyin. Yeni nə isə öyrənmək, faydalı təcrübəni əxz etmək şanslarını dəyərləndirin. Müxtəlif mənbələrdən faydalı məlumatlar əldə edə bilərsiniz. Fəqət bu informasiyaların dürüstlüyünü yoxlamaq ən önəmli məsələdir.
Ehtiyatı əldən verməsəniz, rəqiblərlə bədxahları üstələyə bilərsiniz.
Günün ikinci yarısında çoxdan tanıdığınız, həmkar və ya dost saydığınız insanla münasibətlərdə yeni mərhələ başlanacaq.
Axşam saatlarına yaxın yaradıcılıq potensialı artacaq. Təxəyyüldən bəhrələnməyi unutmayın.
Oxatan – sakit, rəvan zamandır. Günün ilk yarısında məhsuldar çalışmaq olar. Əvvəllər başladığınız işləri başa vurun. Həftənin ilk günlərindən etibarən sizi narahat edən məsələnin çözülməsi üçün zaman limiti bitməkdədir. Dostlarla görüşün. Qüvvənizini bərpa edin, səhhətinizin qeydinə qalın.
Kulinar eksperimentlər uğurlu alınacaq.
Günün ikinci yarısında yaradıcı eksperimentlər aparmaq olar. Mənfi təmayüllərin təsirini emosional durumunuzda hiss edəcəksiniz. Qıcıqlanmayın, küsməyin, hirslənməyin. Sevdiyiniz insanla ünsiyyətdə səmimi və nikbin olun.
Oğlaq – çox mürəkkəb zamandır. Mühüm qərar qəbul etməli olacaqsınız. Belə qərara mənəvi baxımdan hazır olmasanız da, yaxın ətrafınızdakı insanların maddi rifahı və təhlükəsizliyinin təminatı üçün addım atmalısınız. Situasiya ağırlaşır. Nə qədər çalışsanız da, problemlərin sayı azalmayacaq.
Narahat olmayın. Çətinliklərin öhdəsindən gələcəksiniz.
Günün ikinci yarısında aktivliyi bir qədər azaldın. Səhhətinizin qeydinə qalın, idmanla məşğul olun. Daha pozitiv olun. Sevdiyiniz insanla danışa bilərsiniz.
Dolça – günün ilk yarısı uğurlu olsa da, ciddi iş və ya genişmiqyaslı layihə planlaşdırmayın. Sadəcə, hadisələrin axarı ilə hərəkət edin. Belə olarsa, qarşınıza qoyduğunuz məqsədlərə çatmaqla yanaşı, niyyətlərinizi gerçəkləşdirə bilərsiniz.
Yeni bilik və informasiyanın əldə olunması, dünyagörüşün genişləndirilməsi üçün münasib zamandır.
Günün ikinci yarısında danışıqlar apara bilərsiniz. Səfər istisna deyil. Yola düşərkən heç nəyi yaddan çıxarmayın.
Axşam saatlarında alış-verişə yollanmaq olar.
Balıqlar – günün ilk yarısında ciddi problemlər yaranarsa, təlaşa düşməyin. Mənfi təmayüllərin təsiri güclü olsa da, bu situasiya uzun çəkməyəcək. Bir sıra məqamların uğurlu təsadüfi qarşınıza qoyduğunuz məqsədlərə daha sürətlə və effektiv şəkildə çatmağa imkan verəcək. Əməkdaşlıq üçün yaxşı zamandır.
Günün ikinci yarısında birgə layihəyə qatılın. Uzun müddətdən bəri görüşmədiyiniz insanla görüşə bilərsiniz.
Yaşam potensialının səviyyəsi yüksəkdir. Enerjinizi pozitiv məcraya yönəldin. İmiclə eksperimentlər uğurludur. Zahiri görünüşünüzün qayğısına qalın.
Milli.Az
