Qlobal iqlim böhranının təsirləri yay aylarında da özünü göstərir. Bir çox yerdə rekord temperatur artımları müşahidə edilsə də, bunun təsirlərindən danışmamaq mümkün deyil.
Həddindən artıq tərləmə və istilik vurması ilə artan susuzlaşdırma riski kimi fiziki problemlərdən başqa, istilik psixoloji sağlamlıq üçün də risk yaradır.
İstilik psixologiyaya necə təsir edir?
Sinir sistemi bədənin təhlükə kimi qəbul etdiyi yüksək temperaturu idarə etmək üçün adrenalin və digər “mübarizə və ya uçuş” kimyəvi maddələri buraxır. Bu kimyəvi maddələr bədən balansını yaratmaqdansa, anı xilas etməyə çalışır. Yəni vücudunuz nə qədər isinsə, bir o qədər sakit qalmaq qabiliyyətini itirir.
Başqa sözlə desək, ruhunuzu tarazlaşdırmaq üçün sərf etdiyiniz enerji bədəninizi sağlam temperaturda saxlamaq üçün sərf olunur. Fiziki olaraq özünüzü yaxşı hiss etmədiyiniz zaman beyniniz bunu təhlükə kimi qəbul edir və özünü daha da gərgin vəziyyətə salır. Fiziki mühit dəyişdikcə, yəni temperatur yüksəldikcə və ya düşdükcə, vücudunuz sizi həyatda saxlamağa üstünlük verir və enerjisini bədən istiliyinizi tənzimləməyə yönəldir. Belə bir vəziyyətdə ona kömək etmək prosesi sürətləndirə bilər.
Həddindən artıq istidə nə etməli?
Fiziki və ruhi sağlamlıq ayrılmaz bir bütövdür və birində olan problem mütləq digərinə təsir edir. İdeal hava temperaturunuz varmı və ya bütün bədən ehtiyaclarınız ödənilirmi? Bədəninizi rahatlaşdırmaqla başlayın. Havanın həddindən artıq istiliyinə qarşı təravətləndirici duş qəbul edə, gün ərzində itirdiyiniz mayeni əvəz etmək üçün bir az daha su içə və kifayət qədər qidalandığınızı yoxlaya bilərsiniz. Bədəninizlə nə qədər yaxşı davransanız, bir o qədər sizə cavab verəcəkdir.
