Şabran şəhər Tofiq Abbasov adına 1 nömrəli məktəbin tarix müəllimi, jurnalist Rəna Məmmədova vəfat edib.
Bu barədə onun şagirdlərindən biri, jurnalist Süleyman Həmidov şəxsi feysbuk hesabında yazıb:
“Bir neçə gün öncə qürurla uğuruna sevindiyimiz müəlliməmizin bu gün haqq dünyasına qovuşduğuna dair xəbərini almaq olduqca çətindir. Rəna müəllimin mənim, Şabran rayonundan olan yüzlərlə gəncin üzərində çox böyük əməyi, zəhməti var. Vaxtsız gedişi həm bizə, həm də rayon təhsilinə ağır itki oldu. Ondan geriyə isə özünün də həmişə dediyi kimi, etdiyi yaxşılıqlar və xoş xatirələrdir qaldı. Ruhunuz şad olsun, əziz müəllimə…”
Rəna Məmmədovanın ölüm səbəbinin yüksək təzyiq olduğu bildirilir.
Xatırladaq ki, Rəna Məmmədova bir neçə gün əvvəl İTV-də yayımlanan “Milyonların şousu”nda iştirak edib, həmin yarışmada 5000 AZN qazanıb.
