Yevlaxda sərnişin avtobusu TIR-a çırpılıb.
Hadisə Bakı-Qazax magistral yolunun Yevlax rayonundan keçən hissəsində qeydə alınıb.
Baş Dövlət Yol Polisi İdarəsindən bildirilib ki, bu gün saat 10:50-də Bakı-Qazax magistral yolunun 285-ci kilometrliyində, Yevlax şəhəri ərazisində “SCANIA” markalı, 90-JY-168 dövlət qeydiyyat nişanlı yük avtomobili eyni istiqamətdə hərəkətdə olan “Mercedes-Benz” markalı, 99-XA-830 dövlət qeydiyyat nişanlı avtobusla toqquşub.
Məlumata görə, avtobusda olan sərnişinlərdən bir nəfər xəsarət alıb.
Hadisə yerinə DYP əməkdaşları cəlb olunublar, faktla bağlı araşdırma aparılır.
