Ukrayna nümayəndə heyəti Rusiya ilə Türkiyədəki danışıqlarda referendumu müzakirə etmək niyyətində deyil.
Bu barədə Ukrayna xarici işlər naziri Dmitri Kuleba deyib.
O bildirib ki, referendum məsələsi Ukraynanın daxili işidir:
“Biz özümüz hər hansı referendumun keçirilib-keçirilməyəcəyini müzakirə edəcəyik. Bu, danışıqların predmeti deyil.
Ukrayna prezidenti hər zaman xalqın – ukraynalıların mövqeyini diqqət mərkəzində saxlayır. Bu ay biz milli birlik naminə uzun bir yol qət etmişik. Mən hakimiyyətin xalqın iradəsinə zidd nəsə etməsini istisna edirəm”.
