Türkiyə Prezidenti Rəcəb Tayyib Ərdoğan oktyabrın 29-da Cümhuriyyət Bayramı münasibətilə Türk Dövlətləri Təşkilatına (TDT) üzv ölkələrin dövlət və hökumət başçıları üçün rəsmi şam yeməyi təşkil edəcək.
Ərdoğan əvvəlcə Anıtqəbirə gedəcək, daha sonra Prezident Külliyəsində təbrikləri qəbul edəcək və Beştəpə Millət Meşəsinin açılış mərasimində iştirak edəcək.
Rəsmi şam yeməyində Qırğızıstan Prezidenti Sadır Japarova orden təqdim olunacaq. Mərasimdə Türkiyə və Qırğızıstan prezidentləri çıxış edəcəklər.
Tədbir çərçivəsində Əlişir Nəvai Beynəlxalq Mükafatı da laureatına təqdim ediləcək. Proqramda konsertlər və TÜRKSOY-un rəqs şousu nəzərdə tutulub.
TRT Haber-in məlumatına görə, şam yeməyində türkiyəli müğənni Kıraç və qazaxıstanlı ifaçı Dimash Qudaibergen də səhnəyə çıxacaqlar.
