Qətərin xarici işlər naziri şeyx Məhəmməd bin Əbdürrəhman bin Casim Əl Tani ABŞ və İsrailin İrana qarşı müharibəsindən əvvəl olan səviyyədə Hörmüz boğazında gəmiçiliyi bərpa etməyin və münaqişə tərəfləri arasında “şantaj”a son qoymağın zəruriliyini qeyd edib.
Bu barədə nazir Misirin Əl-Alameyn şəhərində keçirilən yüksək səviyyəli danışıqların yekunlarına dair mətbuat konfransında bildirib.
“Bu müharibənin fəsadları təkcə Fars körfəzi regionu üçün deyil, dünyanın digər hissələri üçün də ciddi olub”, – şeyx Məhəmməd deyib.
Onun sözlərinə görə, müharibədən əvvəl mövcud olmuş vəziyyəti bərpa etmək lazımdır.
“Biz vəziyyəti əvvəlki halına qaytarmalıyıq. Biz bununla bağlı istənilən təhdidləri və istənilən maneələri pisləyirik”, – Qətərin XİN rəhbəri bildirib.
