Kanadanın Baş naziri Mark Karni Tambler-Ricdəki məktəbdə baş verən atışma səbəbindən Münxenə səfərini təxirə salıb.
Bu barədə AFP agentliyi Baş nazirin dəftərxanasının bəyanatına istinadən məlumat yayıb.
“Tambler-Ric, Britaniya Kolumbiyasından gələn faciəli xəbərlərlə əlaqədar Baş nazir Mark Karni planlaşdırılmış xarici səfərini müvəqqəti təxirə salır”,- məlumatda bildirilib.
Qeyd edilib ki, M.Karni Kanadanın müdafiə sahəsində əməkdaşlığını gücləndirmək və genişləndirmək üçün Müxendə keçiriləcək təhlükəsizlik forumunu ziyarət etməyi planlaşdırırdı.
Tədbir fevralın 11-dən 15-dək keçiriləcək, burada NATO, Avropa İttifaqı və BMT ölkələrinin rəhbərləri iştirak edəcək.
Xatırladaq ki, Kanadanın Britaniya Kolumbiyası əyalətinin Tambler-Ric şəhərindəki orta məktəbdə baş verən atışma nəticəsində 10 nəfər ölüb.
