Rusiya təhlükəsi Ukrayna ilə bitməyəcək və NATO uzunmüddətli qarşıdurmaya hazırlaşmalıdır.
Bunu NATO-nun Baş Katibi Mark Rütte Buxarestdə keçirilən NATO Sənaye Forumunda çıxışı zamanı bildirib.
Rüttenin proqnozuna görə, yaxın gələcəkdə Rusiya Avropada sabitliyi pozan qüvvə kimi təmsil oluna bilər.
O qeyd edib ki, Moskva Çin, Şimali Koreya, İran və digər ölkələrlə müdafiə sənayesi fonunda əməkdaşlıq edir.
Baş katibin sözlərinə görə, NATO-ya üzv ölkələr hərbi avadanlıqları daha böyük həcmdə istehsal etməlidirlər, çünki təhlükəsizlik bundan asılıdır.
