“Bu günlərdə Vergilər Məcəlləsinə yeni dəyişiklik çox müzakirə edilir. Əsasən də özəl sektorda 2500 qədər olan maaşlara 3%verginin tətbiq edilməsi müzakirə edilir”.
Bunu iqtisadçı-ekspert Eyyub Kərimli bildirib.
O, bəzi KİV-də 1000 manat olan maaşlardan 30 manat vergi tutulacağı haqda xəbər yayıldığını, lakin bu səhv olduğunu qeyd edib:
“Belə ki, hazırkı dəyişiklik Vergilər Məcəlləsinin 102.1.6-ci maddəsinin tələblərini yenidən tətbiq etməyə imkan verir.
Həmin maddənin tələbinə əsasən fiziki şəxslərin gəlirləri ayda 2500 manat olduqda, 200 manat olan hissəsi vergi tutulmasından azaddır.
Yəni ki, 1000 manat maaş alan insan 30 manat deyil, 24 manat vergi ödəyəcək: 1000 manat – 200 manat = 800 manat X 3%= 24 manat.
Həmin maddənin tələbi, ödəniləcək verginin 6 manat azalmasına imkan verir. 2500 manat maaş alan şəxs isə 75 deyil, 69 manat vergi ödəməli olacaq”.
