CREATOR: gd-jpeg v1.0 (using IJG JPEG v62), quality = 100
Nazirliklərin və Dövlət komitələrinin Mətbuat xidmətləri rəsmi və dəqiq informasiyaların verilməsi baxımından mühüm əhəmiyyət kəsb edir. Jurnalistlər məhz Mətbuat xidmətlərilə əlaqə saxlayaraq cəmiyyətə daha düzgün məlumatlar çatdıra bilirlər.
Bəs nazirliklərin və Dövlət komitələrinin Mətbuat xidmətlərinə hazırda kimlər rəhbərlik edir?
Siyahını təqdim edirik:
Daxili İşlər Nazirliyi: Mətbuat xidmətinin rəisi polis polkovnik-leytenantı Elşad Hacıyevdir. O bu vəzifəni 2023-cü ildən icra edir.
Fövqəladə Hallar Nazirliyi: Mətbuat xidmətinin rəhisi Gülçin Mehdiyevadır.
Xarici İşlər Nazirliyi: Ayxan Hacızadə 2022-ci ildən Azərbaycan XİN-in Mətətbuat xidməti idarəsinin rəhbəridir.
Elm və Təhsil Nazirliyi: 2023-cü ildən nazirliyinin İctimai əlaqələr və kommunikasiya xidmətinə Səbuhi Rzayev rəhbərlik edir.
Gənclər və İdman Nazirliyi: İctimaiyyətlə əlaqələr şöbəsinin müdiri Qabil Mehdiyev 2022-ci ildə bu vəzifəyə təyin edilib.
Ədliyyə Nazirliyi: Ötən il qurumun mətbuat xidmətinin rəisi vəzifəsi Ləman Hüseynzadəyə həvalə edilib.
Dövlət Təhlükəsizliyi Xidməti: Mətbuat xidmətinin rəhbəri Tamerlan Rəhimov.
Əmək və Əhalinin Sosial müdafiəsi Nazirliyi: Artıq 7 ildir ki, nazirliyin mətbuat katibi Fazil Talıblıdır.
İqtisadiyyat Nazirliyi: Nazirliyin mətbuat katibi Leyla Zamanovadır.
Ekologiya və Təbii Sərvətlər Nazirliyi: İradə İbarhimova uzun illərdir bu nazirliyinin mətbuat katibi vəzifəsində çalışır.
Energetika Nazirliyi: Hazırda mətbuat katibi Cahid Mikayılovdur. O, 20 oktyabr 2020-ci il tarixindən Nazirlikdə Mətbuat sektorunun müdiridir.
Kənd Təsərrüfatı Nazirliyi: İctimaiyyətlə əlaqələr və informasiya təminatı şöbəsinin müdiri vəzifəsinin icrası 2019-cu ildə Vüqar Hüseynova həvalə olunub.
Maliyyə Nazirliyi: 2021-ci ildə Mais Piriyev İctimaiyyətlə əlaqələr və vətəndaş müraciətləri ilə iş şöbəsinin müdiri vəzifəsinə təyinat alıb.
Mədəniyyət Nazirliyi: Media və Kommunikasiya şöbəsinin müdiri Aynur Kərimovadır. O, həmin vəzifəyə 2 il əvvəl – 2023-cü ildə təyinat alıb.
Müdafiə Nazirliyi: Ötən ilin sentyabrında Müdafiə Nazirliyində Mətbuat xidməti ləğv edilib. Əvəzində Mətbuat və İctimaiyyətlə Əlaqələr İdarəsi yaradılıb. İdarə rəisi vəzifəsinə isə polkovnik Anar Eyvazov rəhbərlik edir.
Rəqəmsal İnkişaf və Nəqliyyat Nazirliyi: Mətbuat xidmətinin rəhbəri Pərvanə Əliyevadır.
Səhiyyə Nazirliyi: Pərviz Əbubəkirov 2018-ci ildən burada mətbuat katibi işləyir.
Ailə, Qadın və Uşaq Problemləri üzrə Dövlət Komitəsi: Teymur Mərdanoğlu 2020-ci ildən Mətbuat xidmətinin sədri vəzifəsində çalışır.
Diasporla İş üzrə Dövlət Komitəsi: Vəsilə Əliyeva 2018-ci ildə mətbuat katibidir.
Dini Qurumlarla İş üzrə Dövlət Komitəsi: Yaqut Əliyeva artıq 10 ildən artıqdır ki, mətbuat katibi kimi fəaliyyət göstərir.
Dövlət Gömrük Komitəsi: Əməkdar jurnalist Natiq Axundov 2006-cı ilin aprel ayından Mətbuat xidmətinin rəisidir.
Dövlət Sərhəd Xidməti: 2022-ci ildən mətbuat katibi vəzifəsində Aftandil Abbasov çalışır.
Dövlət Statistika Komitəsi: Tünzalə Qarayeva hazırda burada mətbuat katibidir.
Dövlət Şəhərsalma və Arxitektura Komitəsi: Mətbuat xidmətinin rəhbərliyinə 2019-cu ildə Ramiz İdrisoğlu gətirilib.
Dövlət Miqrasiya Xidməti: Mətbuat xidmətinin hazırkı rəhbəri Elvin İsayevdir.
Səfərbərlik və Hərbi Xidmətə Çağırış üzrə Dövlət Xidməti: İctimaiyyətlə əlaqələr və beynəlxalq münasibətlər şöbəsinin rəisi vəzifəsinə 2023-cü ildə Pərviz Sədrəddinov təyinat alıb.
Dövlət Turizm Agentliyi: Media və ictimaiyyətlə əlaqələr sektorunun müdiri vəzifəsinə 2022-ci ildən Gülnar Mustafayeva rəhbərlik edir.
Qida Təhlükəsizliyi Agentliyi: İlkin Kərimov 2022-ci ildə İnformasiya təminatı və innovativ həllər şöbəsinin müdir müavini, İctimaiyyətlə əlaqələr sektorunun müdiri vəzifəsinə təyin olunub.
Qaçqınların və Məcburi Köçkünlərin İşləri üzrə Dövlət Komitəsi: Beynəlxalq əlaqələr, informasiya və mətbuat xidməti departamentinin direktoru İbrahim Mirzəyevdir.
Dövlət İmtahan Mərkəzi: Mətbuatla iş sektorunun müdiri Xanlar Xanlarzadədir.
