Mayın 18-də İsrailin Qəzza zolağına endirdiyi zərbələr nəticəsində azı 151 nəfər həlak olub.
Bu barədə Qətərin “Al Jazeera” telekanalı məlumat yayıb.
Məlumata görə, onlardan 70-i Qəzza şəhərinin və Fələstin anklavının şimalındakı ərazilərin bombalanması nəticəsində həlak olub.
İsrailin Baş nazirinin ofisinin müşaviri Dmitri Gendelman bazar günü bildirib ki, ölkənin Müdafiə Ordusu Qəzza zolağında radikal HƏMAS hərəkatını məğlub etmək üçün həyata keçirilən hərbi əməliyyat olan “Gideonun arabaları” əməliyyatının həlledici mərhələsinə başlayıb.
“Quru qoşunları Qəzza zolağının dərinliklərinə doğru irəliləyir, HƏMAS strukturlarına dəqiq zərbələr endirir və əsas mövqeləri tutur. Son bir həftə ərzində aviasiya yüzlərlə hədəfi vurub, anbarları, tunelləri, raket mövqelərini və terrorçuları məhv edib”, – o vurğulayıb.
Daha əvvəl İsrailin anklavda aclıq təhlükəsinin qarşısını almaq üçün Qəzza zolağına ərzaq tədarükünə icazə verəcəyi bildirilib.
About the Author
