Türkiyənin xarici işlər naziri Hakan Fidan britaniyalı həmkarı Devid Lammi ilə Suriyadakı vəziyyət və müdafiə sənayesi sahəsində əməkdaşlıq başda olmaqla, ikitərəfli əlaqələri müzakirə edib.
Bu barədə Türkiyə Xarici İşlər Nazirliyi (XİN) məlumat yayıb.
Bildirilib ki, telefon danışığı zamanı tərəflər həmçinin Rusiya-Ukrayna müharibəsi ilə bağlı son vəziyyəti və Avropanın təhlükəsizlik məsələləri ətrafında fikir mübadiləsi aparıblar.
Bu çərçivədə qeyd edilib ki, Avropa İttifaqına (Aİ) daxil olmayan ölkələr qitənin təhlükəsizliyinin təmin edilməsində mühüm rol oynayırlar.
