Azərbaycan və Qazaxıstan təhsil və mədəniyyət sahəsində əməkdaşlığı genişləndirməlidir.
Bunu elm və təhsil naziri Emin Əmrullayev ADA Universitetində Azərbaycan və Qazaxıstan arasında təhsil sahəsində əməkdaşlığın gücləndirilməsinə dair dəyirmi masada bildirib.
“Bizim və Qazaxıstan universitetləri üçün uzunmüddətli əməkdaşlıq, bilik mübadiləsi vacibdir”, – o qeyd edib.
E.Əmrullayev bildirib ki, bu gün çox sayda sənəd imzalanacaq. Nazir, universitetləri əməkdaşlığa çağırıb: “Hesab edirəm ki, bu məsələdə bizim baxışlarımız qazaxıstanlı həmkarlarımızın mövqeyi ilə üst-üstə düşür. Əməkdaşlıq və kooperasiya ölkələrimizin xeyrinə olacaq”.
