Azərbaycan Premyer Liqasının XX turunda bu gün iki qarşılaşma baş tutacaq.
Əvvəlcə “Səbail” evdə “Kəpəz”lə üz-üzə gələcək.
“ASCO Arena”da keçirləcək görüşü Əliyar Ağayev idarə edəcək. Gəncə klubu hazırda turnir cədvəlində 14 xalla doqquzuncu yerdədir. Paytaxt təmsilçisi isə 12 xalla sonuncu – 10-cudur.
Günün son görüşü “Bank Respublika Arena”da baş tutacaq. “Sabah” evdə “Sumqayıt”ı qəbul edəcək. Saat 18:30-da başlayacaq matçın baş hakimi Elçin Məsiyev olacaq. “Sabah” komandası 27 xalla turnir cədvəlində beşinci pillədə qərarlaşıb. “Sumqayıt” isə 20 xalla 6-cı yerdədir.
Misli Premyer Liqası
III dövrə, XX tur
25 yanvar
16:00. “Səbail” – “Kəpəz”
Hakimlər: Əliyar Ağayev, Zeynal Zeynalov, Akif Əmirəli, Fərid Hacıyev.
VAR: Tural Qurbanov.
AVAR: Elşad Abdullayev.
Hakim-inspektor: Rəhim Həsənov.
“ASCO Arena”
18:30. “Sabah” – “Sumqayıt”
Hakimlər: Elçin Məsiyev, Pərvin Talıbov, Rəhman İmami, Rəşad Əhmədov.
VAR: Nicat İsmayıllı.
AVAR: Asiman Əzizli.
Hakim-inspektor: Orxan Məmmədov.
“Bank Respublika Arena”
Qeyd edək ki, XX turun ötən gün Şamaxıda baş tutan “Şamaxı” – “Zirə” matçında qonaqlar 2:1 hesablı qələbə qazanıb. Tura sabah “Araz-Naxçıvan” – “Neftçi” və “Qarabağ” – “Turan Tovuz” görüşü ilə yekun vurulacaq.
About the Author
